AJPRODHO JIJUKIRWA

Umuryango AJPRODHO uhamya ko Internet ifite uruhare runini mu iterwa ry’inda ku bangavu kuko ari yo bashakiraho amakuru ku myororokere cyane ko benshi mu babyeyi batabaganiriza.

Uyo muryango ubivuga uhereye ku biganiro wagiranye n’urubyiruko mu turere dutandukanye tw’igihugu, ukaba wagaragaje ibyabivuyemo kuri uyu wa 31 Kanama 2018, igikorwa cyitabiriwe n’inzego zitandukanye zirajwe ishinga n’icyo kibazo.

Umunyamabanga Nshingwabikorwa wa AJPRODHO Jijukirwa, Antony Businge, avuga ko muri ibyo biganiro urubyiruko rwagaragaje ko rushakira amakuru mu ikoranabuhanga rya Internet.

Yagize ati “Urubyiruko ruhamya ko ababyeyi bataruha umwanya ngo baganire kuko baba bagiye mu mirimo yo gutunga ingo. Icyo bakora rero bajya ku mbuga nkoranyambaga zitandukanye gushaka amakuru ku mibonano mpuzabitsina kuko ababyeyi babo bataba babaganirije”.

Arongera ati “Aho ni ho babonera amafoto n’amafirime y’urukozasoni, na bo bakajya kwigana ibyo babonye ntibateganye ko byabagiraho ingaruka. Ni bwo rero muri uko gushaka kwimara amatsiko bamwe baterwa inda zitateganyijwe, ni ikibazo gikomeye haba mu mijyi no mu cyaro”.

JPEG - 413.1 kb

Businge avuga ko urubyiruko rwakagombye guhabwa amakuru y’imyororokere n’ababyeyi aho kuyakura ahandi

Yongeraho ko nyuma yo kureba ayo mafirime, hari n’abahita bajya gufata ibiyobyabwenge kugira ngo bibatere akanyarigabo ko kwishora muri izo ngeso mbi.

Uyu mukobwa w’imyaka 16 wo mu Mujyi wa Kigali utarashatse ko izina rye ritangazwa, yemeza ko icyo ashatse kumenya cyose ajya kuri Internet.

Ati “Nkanjye mbona Internet na yo ari ikiyobyabwenge kuko icyo nshatse kumenya cyose cyaba cyiza cyaba kibi njya kuri google cyangwa Facebook. Nk’ubu nta na rimwe mama aranganiriza ku by’imyororokere, na byo rero ni ho mbikura kandi mba mbirebana n’abahungu twigana”.

Annette Mukiga, umukozi wa Rwanda Women’s Network, avuga ko ababyeyi bakagombye kuva mu bya kera byo kumva ko kuvuga ku myororokere ari ishyano.

Ati “Ababyeyi na sosiye nyarwanda muri rusange ntibakunda kuvuga ku mibonano mpuzabitsina baganiriza abana. Ni ikibazo, dukwiye kuva mu bya kera tukerura tukabibaganizaho kuko kubura amakuru ari byo bituma bayishakira, bakayahabwa nabi ari byo bibakururira guterwa inda”.

JPEG - 318.9 kb

Ibiganiro byitabiriwe n’abantu banyuranye

Arongera ati “Twebwe kera ibyo twabiganirizwagaho na ba masenge cyangwa abandi babyeyi bakuru babizi, ibyo ubu ntibikibaho byasimbuwe n’ikoranabuhanga ari byo bishuka abana. Ndagira inama ababyeyi yo guha umwanya abana babo, birengagize ibindi barimo babaganirize”.

AJPRODHO, Ihuriro ry’urubyiruko ruharanira uburenganzira bwa muntu, yakoreye ibyo biganiro mu turere twa Gatsibo, Nyagatare na Rulindo.

Ibindi bibazo byaganiriwe byugarije urubyiruko ni ikoreshwa ry’ibiyobyabwenge n’ubushomeri ndetse n’uko rwakwiyongera mu nzego zifata ibyemezo.

Source: http://www.kigalitoday.com

Umuryango uharanira uburenganzira bwa muntu n’iterambere cyane cyane mu rubyiruko AJPRODHO-Jijukirwa,kuri uyu wa Kane tariki ya 16/8/2018 bari kwizihizanya umunsi mpuzamahanga wahariwe urubyiruko aho bahuje urubyiruko rusaga 125.

 

Ubusanzwe uyu munsi mpuzamahanga usanzwe wizihizwa kariki ya 12/8/ buri mwaka, ariko mu Rwanda AJPRODHO-Jijukirwa yawijihije uyu munsi aho yifatanyije n'imiryango itandukanye yaba iyegamiye kuri Leta ndetse n'itari iya Leta, aho uyu muhango witabiriwe n'urubyiruko rusaga 125 baturutse hirya no hino mu gihugu.

Afungura kumugaragaro iyi nama yahuriranye no kwizihiza umunsi muzamahanga wahariwe urubyiruko umuyobozi wa AJPRODHO-Jijukirwa  Businge Anthony yavuze ko uyu mwanya bahawe aruwo gutanga ibitekerezo, batanga ibitekerezo byubaka igihugu, yagize ati:''Iki nicyo gihe cyo kumenya uburenganzira bwanyu cyane murasabwa kumenya gusaba no kuvuga ibyo mubona bikwiye kubateza imbere''. Yakomeje asaba urubyiruko rwitabiriye iyi gahunda kuba maso kandi no kwisanzura bavuga ibiri kumitima kandi byubaka.

Nsanzimana Tharicise umuyobozi w'ishami rishinzwe kubaka ubushobozi rw'ubyiruko mu nama nkuru y'urubyiruko yavuze ko bari gusaba urubyiruko kugira uruhare mubibakorerwa, yagize ati:''Turi hano dusaba urubyiruko guhozaho cyane turi kubasaba gushyiramo imbaraga mu bibakorerwa cyane cyane ko hari aho usanga urubyiruko rurangaye rwibera mu biyobyabwenge''. Yakomeje avuga ko icyo uyu mwaka bashyize imbere nuko bagiye kongera ubukangurambaga cyane cyane muguha umwanya urubuga wo gutanga ibitecyerezo.

Twababwira ko iki gikorwa cyateguwe  na AJPRODHO-Jijukirwa  binyuje muri GIZ,aho bifatanyije n'imiryo itandukanye ndetse n'inzego za Leta aho urubyiruko rwitabiriye iyi gahunda ruhugukiwe n'ibijyanye n'uburenganzira bwa muntu koko AJPRODHO-Jijukirwa hafi yabose yagiye ibabumbira mu matsinda aho bahuguwe kubijyanye n'uburenganzira bwa muntu no gukora ubuvugizi kuri bagenzi babo.

Bamwe mubo twaganiriye batangarije ikinyamakurur HANGA ko baje kwizihiza uyu munsi mubyishimo ndetse ko biteguye gukomeza kwegera bagenzi babo cyane cyane abakiri mubiyobyabwenge n'ingeso yo kwicuruza (Uburaya), abana bari ku mihanda n'abandi bose binyuze muri za Club bashinzwe hirya no hino mu gihugu.

Insanganyamatsiko y'uyu munsi iri mu rurimi mpuzamahanga igira iti:''Youth Capacity ,Compaign and Advocacy for Human Richts (YCCA-HR) Project.


Nsanzimana Tharicise umuyobozi w'ishami rishinzwe kubaka ubushobozi rw'ubyiruko mu nama nkuru y'urubyiruko yavuze ko bari gusaba urubyiruko kugira uruhare mubibakorerwa.

Bamwe murubyiruko bitabiriye iyi gahunda.


Bamwe mubayobozi bitabiriye iyi gahunda.


Urubyiruko rwitabiriye iyi gahunda kubwinshi.


Bunner iriho insanganyamatsiko y'uyu mwaka.

Yanditswe na: Gatete Muhamoud

 

Source : http://hanga.rw

Umuryango w’urubyiruko ruharanira uburenganzira bwa muntun’iterambere (Association)

AJPRODHO Jijukirwa irasaba akagoroba k’urubyiruko

Inama Rusange idasanzwe ya AJPRODHO JIJUKIRWA yongeye guterana ku nshuro yayo ya 25

Subcategories

Latest News +

Umuryango AJPRODHO uhamya ko Internet ifite uruhare runini mu iterwa ry’inda ku bangavu kuko ari...
Umuryango uharanira uburenganzira bwa muntu n’iterambere cyane cyane mu rubyiruko...
Ajprodho mu guteza urubyiruko imbere
Tuesday, 05 June 2018
Umuryango w’urubyiruko ruharanira uburenganzira bwa muntun’iterambere (Association)
AJPRODHO irasaba akagoroba k’urubyiruko
Sunday, 24 September 2017
AJPRODHO Jijukirwa irasaba akagoroba k’urubyiruko
Inama Rusange idasanzwe
Monday, 24 July 2017
Inama Rusange idasanzwe ya AJPRODHO JIJUKIRWA yongeye guterana ku nshuro yayo ya 25
Go to top